الرئيسية
أحدث الصور
من طرف ود الأحمر الجمعة أغسطس 13, 2010 4:29 pmمن دون أن تعتزي أو تبرري
إختاري !!!!
خايف من أنوار الشروق تكشف ملامحك
للوجود
تفضح جمال فيك اكتمل في لوحة زاهية من الصور
طال الغياب كمين زمن تعبت خطاي من الرحيل
من منفي لي مرسي الكلام
سطرت اسمك في دواخلي التشتهيك
ترجمت حرفك بين غني الطنبور وساعات الرحيل
رغم التعب خطواتي سايرة على الطريق
رسمتك في حَمَاَرَ الشمس لحظات المغيب
نظمتك للكلام ألحان وللأوصاف كمان مقياس
رجيتك في سكون الليل بي آهات حبيب مجروح
رسمتك بين خيوط الشمس في زهر الربيع الفاح
لقيتك والحروف تايهات
نقشتك للوراي جايين معاني تصارع التاريخ
عيونك هن صباح في ليل
قليبك صافي زى أطفال
يلاقوا الفرحة مبتهجين
رفعتك لي مقام عالي مقام ما فيهو زول تاني
عصيتي حروف غناي الفيك
وقالوا زمان كل ممنوع أكيد مرغوب
عرفتي منعتي مني عينيك
عرفتي هدمتي حلمي الفيك
نسجتي خيوط ضياع عمري
سجنتي حياتي في ظلمات
وزى ما عرفتي تمحي رؤاي تهدي وتبني فيني براك
قادر أكسر الأحلام
وما مكن يكون في يوم تصبحي لي حياتي رفيق
وحات عمري البضيع بي وراك
تفوتي وتمشي زى الليل
تروح الآها من بعدك ويسكن فجري في بعدك ويملا
حياتي بالبهجه
دا ربي عظيم وقادر ينشر الأفراح
هناك نتلاقي في عندو
تقيفي وحيدة قدامو وتعرفي كيف تردي الدين
وحاتك ما بسيب حقي وكل دمعاً زرفتو عليك
تكوني الطيبة للغيري
فيك كل الجمال في الكون معاك يبقي الكلام موزون
وحاتك ما ندمت عليك وكانت عترة في دربي
وما دام الجسد بي خير يبقي فرض
عليك واجب تسير لامن تموت الخطوة في الرحلة
بسيبك وأبدي من أول
أشوف الدنيا بي منظور كتير أوسع
وتبقي الذكري للحاضر عظا وعبرة
ولو بتظني في نفسك تهيني كرامتي أو تقسي
تسوي الدايرة في شخصي تخيبي تروحي خسرانة
ويبقي حقيقي غلطانة
لأنك ما عرفتيني وعرفتي معاني
فيني تكون
أنا المشغول بهم غيري وهم إنسان كتير
صابر وراجيني
وأخيراً وما هو آخر شي أمشي
وأبقي مع نفسك وشوفي الدايرة من الكون
وشن همك ولو همك تكوني
معاي حتلقي قليبي منتظرك
وأول أنسي للكلفة وعيشي بساطة الدنيا
حتلقي الدنيا تبسم ليك
وكل عواطفي راجياكي
وأكيد الدنيا تبسم ليك
وكل عواطفي راجياكي
