مكتبة الأستاذ ((قاسم أبوزيد))

لؤي شمس العلا ابراهيم: المشرف العام; عدد المساهمات : 151
تاريخ التسجيل : 09/08/2010
العمر : 42
الموقع : https://altuooralmohagra.gid3an.com/profile.forum?mode=editprofile

مساهمة رقم 1

مكتبة الأستاذ ((قاسم أبوزيد))

مُساهمة لؤي شمس العلا ابراهيم الأربعاء أغسطس 11, 2010 5:39 pm

سـافِـر

قاسم أبو زيد

::::::::::::

سافر ..

مطارات الوداع ضجت قدامك .. وراك بيضا

وسماك غنـّاى

مساحات الأسى الفى عيونّا

تتفجر مدينة وناى

بطاقات دعوة الرجعة .. تساب عينين من الفرحة

دموع للحاضرين فجت

زغاريد غطت الدنيا

وعاد .. فرح الرجوع منية

صداك الريح .. ومتل السنبل الغناى

........

كتير بنعاتب الحاضر

ولا أسفاً على الماضى

صدق الرؤية من قلبك .. بين الشوف وإنسانك

نغم فنان يعيش راضى

مداك إتعدى حد الشوف

دخلت على الشعر .. إنسان

وهواك .. إتختّ جوة الجوف

وإنتحر النهار .. هسـّة

نغنيك لى مدن .. شاخت

معاك أحلامى .. ما تنسى

تغنيك القرى الراحت

خلاص يا غربة .. ما ترسى

غنيناك .. وبنغنى

وبتحدى الزمن .. فنان ..

عدل سابقا من قبل لؤي شمس العلا ابراهيم في الخميس أغسطس 12, 2010 7:05 pm عدل 1 مرات

لؤي شمس العلا ابراهيم

لؤي شمس العلا ابراهيم: المشرف العام; عدد المساهمات : 151
تاريخ التسجيل : 09/08/2010
العمر : 42
الموقع : https://altuooralmohagra.gid3an.com/profile.forum?mode=editprofile

مساهمة رقم 2

ليه غبتي يا القمره

مُساهمة لؤي شمس العلا ابراهيم الأربعاء أغسطس 11, 2010 5:43 pm

ليه غبتى يا القمرة

قاسم أبو زيد
:::::::

ليه غبتى يا قمرة
نركب جياد الليل
إنشرّ بينّا صباح
سفر العتامير .. ليل

نرجاكَ فى المطرة
أرجع تعال .. يا شليل
دِرع الأميرة .. سـِرِق
سووهو حِدوة خيل
بحر العطاشة .. نِشِف
نشرب بواقى السيل
*****

صُدْ لى ملامحك يا حراز

ريح العوارِض ... غرّبتْ
فرتِق ضفايرك .. فى الرزاز
جية العصافير .. قرّبتْ

لؤي شمس العلا ابراهيم

لؤي شمس العلا ابراهيم: المشرف العام; عدد المساهمات : 151
تاريخ التسجيل : 09/08/2010
العمر : 42
الموقع : https://altuooralmohagra.gid3an.com/profile.forum?mode=editprofile

مساهمة رقم 3

لوحة الوطن

مُساهمة لؤي شمس العلا ابراهيم الأربعاء أغسطس 11, 2010 5:46 pm

لوحة وطن

قاسم ابو زيد

::::::::::

لوحة وطن فى عيون طفلة
طفلة حلوة وشايلة لونة ..
ترسم الوطن الشباب
كل خط فى اللوحة باين ..
من دموع الطفلة يحكى
النفوس تبقى السحاب
القلوب تبقى الأراضى ..
نزرع الوطن اليباب
راسمة فى اللوحة القمارى ..
فيها وش النيل حزين
الضفاف كان لونا أحمر .
الشجر كان لونو أخضر
الجباه عرقة بيضارى ..
حمرة النيل واصفرارو

**********
راسمة جوه اللوحة طفلة ..
الفرح فى رموشة صفق
ادت الامواج بسيمة
غير النيل إنحدارو
لابسة من السعدة قرقاب .
شايلة فى الأيد الطوارى
مارقة قمحة من اليباب

**********
شلة من أطفال مدارس ..
فى نظام ماشين سوا
رددوا الخير بالوتر
الزمن فى اللوحة بشر
الجروف فتحت مداها
الغيوم شايلة المطر
الترابلة هناك كبار
شتتوا العيش للمواسم
العيون شايلات بطر
من بعيد فى اللوحة عامل
الآيادى على السنابل
ودع الليل والفتر ..
خدرالوطن اليباب

لؤي شمس العلا ابراهيم

لؤي شمس العلا ابراهيم: المشرف العام; عدد المساهمات : 151
تاريخ التسجيل : 09/08/2010
العمر : 42
الموقع : https://altuooralmohagra.gid3an.com/profile.forum?mode=editprofile

مساهمة رقم 4

عباد الشمس

مُساهمة لؤي شمس العلا ابراهيم الأربعاء أغسطس 11, 2010 5:51 pm

عبـاد الشمـس

قاسم أبو زيد

:::::::::

عباد الشمس شافك .. مشاك ..

ساقِك جبيرة وجد

تيار الظلام غطاك

غياب البهجة ما هزّاك

هواك .. هز العهود .. بى الصد

*******

تذوب يوم الشموس ضوّت

عباد الشمس يوم جاك .. سألنا الغيم .. عِنادِك ردْ

أسف بُعدِك حروف جفّت

جِدار الماضى .. دمعة خد

********

غَفل طرفِك .. صَرَخْ .... ياليل

سرق عِشقِك صباحاتى

شتيل إحساسنا ما فرهَد

********

رحل صوت المغنى .. حزين

ولسّة الصوت .. صِراع زمنى

مواعيد عِشقِى ما بتِنـْه

لؤي شمس العلا ابراهيم

لؤي شمس العلا ابراهيم: المشرف العام; عدد المساهمات : 151
تاريخ التسجيل : 09/08/2010
العمر : 42
الموقع : https://altuooralmohagra.gid3an.com/profile.forum?mode=editprofile

مساهمة رقم 5

علميني الاحتمال

مُساهمة لؤي شمس العلا ابراهيم الأربعاء أغسطس 11, 2010 5:55 pm

علميني الإحتمال

قاسم أبو زيد

::::::::::::

علمينى الإحتمال
وكيف أجاوب عن هواك
لما يغلبنى السؤال
لما يتأرجح منانا بين مظنة وإحتمال
ما بحسِّـك دونك .. إنتى
ما الحقايق .. ما الظلال
والحرِف بِعرِفْ مداهو
حتى لو جفّ الخيال
*****
علمينى الإحتمال
ونحن كيف نقدر نقاوم
فى بلد ملّ الحِوار
صرخة بتموت فى المزارع
وزيف مشتّت فى الشوارع
بين مداينّـا الكُتار
علمينى الإحتمال
ونحن كيف نقدر نقاوم
هجمة الزمن التتار
وكيف نحصِّن ومضة الأمل
البيشرِق كل مرة
وفى إنتظارى
إنتى والشوق فى المجرّة
برق خفّق من خدودك
ورعد يفتح لى دروبك
وغيث يقفّل فى شجوبك
*****
علمينى الأحتمال
ونحن كيف نقدر نجمّع لى ملامح الليلة
من عُمق المدار
علمينى الإحتمال
ونحن كيف نقدر نقاوم
فى بلد ملّيت صِفوفا
ولاّ أمشى على المزالِق
فى بلد نكرت دِفوفا
ولاّ أشيلِك وإحتِمالِك
إمّا أدّيك إحتمالى
يا أشيل منِّك ظروفك
ولاّ أرجّع ليك حروفِك
غنية تمرُق من دفوفك
برجا هجعة ليل طيوفا
*****
علمينى الإحتمال
ولاّ نتعاهد نواصِل ..
فى الظروف القاسية .. نمشى
وفرحة الأطفال نشوفا
ومضة تمحوها الظلال
ونظرة تغنيك عن سؤال
فى خيالك .. وغيم ظلالك
لمّا يتجاوب سؤالك
ترفع الأحزان ظروفا
وتنقر الأفراح دفوفا
لمّا نتقابل نحقّق
فى وجودى .. وفى وجودِك
أحلى شوفة

لؤي شمس العلا ابراهيم

لؤي شمس العلا ابراهيم: المشرف العام; عدد المساهمات : 151
تاريخ التسجيل : 09/08/2010
العمر : 42
الموقع : https://altuooralmohagra.gid3an.com/profile.forum?mode=editprofile

مساهمة رقم 6

ضليت

مُساهمة لؤي شمس العلا ابراهيم الأربعاء أغسطس 11, 2010 5:57 pm

ضليت

قاسم أبو زيد

:::::::::

ضليت .. هرب منى الأمل .. جنيت
جافانى الشروق .. حنيت
كنتى معايا .. فى لمـّة دليب .. شاشاى
فى إيقاع حشا المردوم
فى جيد الزمن .. سوميت
******
مرقت .. على محطات السفر .. غربة
وما لقيتك .. أمل شارد
مع إنك معاى فى زحمة المشوار
وحتى يقينى عاد من تانى
صحـّاك فى حنين ذاتى ..
صحـّاك فى حنين ذاتى ..
******
تعالى معاى....
تعالى معايا من زفة نفس مسدار
وما جرتق فرح .. كانت
ولا طعم الشقا الروّح
خطاى هانت
وإنتى معانى شايلاها القوافى
معزة فى عمق الفرح .. دوبيت
وكت ضليت
.. قعدتّ براى .. وحسيتك
بتطلعى من نفس طورية ضامـّة الطين
ومن دمعة وجع طوّل
ندا العرق البنادى .. حنين

لؤي شمس العلا ابراهيم

لؤي شمس العلا ابراهيم: المشرف العام; عدد المساهمات : 151
تاريخ التسجيل : 09/08/2010
العمر : 42
الموقع : https://altuooralmohagra.gid3an.com/profile.forum?mode=editprofile

مساهمة رقم 7

زي مايكون

مُساهمة لؤي شمس العلا ابراهيم الأربعاء أغسطس 11, 2010 6:02 pm

زي مـا يكون

قاسم أبو زيد

على عمقك

مشيت متلفِّحك .. خاطر

برغم ذبول نجيماتك

سماك معقول

وشارع الشوق ..

بدونك .. تمْ

بحِسْ بى القول .. على حدّ السيوف مجدول

ورغم الفات

ورغم الحاصِل المسلول

فوق عمقك قدل جوّاى

على لقيا .. وبياض خاطر

وزى مايكون

*****

وعلى عمقك

مشيت متلفّحك .. خاطر

لا الشبورة .. لا ريحة الدُعاش

مشبوبة بى ندّكْ

.. صبابة وصوت

ولا برقت شموس منّك

ولا دخلت شموس فينى

ولا أظنّك بتدّى شموس

ويطلع من عيونك ضو

ولا لِمِس الجفاف خدّك

ولا ركّ الندى المحروق

فراشات فى شذاك .. دخان

شعاعات من بريق لحظك

فهل يرجع زمن جيتك

حضور تانى ؟

*******

على ذكراك أمل ممتد

أنا وإنت .. وهدير الكون

على لقيا .. وبياض خاطر

******

وعلى عمقك .. مشيت

متلفّحك خاطر

ولا عند المغيب وجّت غصون شجرك

ولا لمـّة فرح .. بتلم

ولا الرقدة .. التعب بتجم

ولا زِيف العِشِق مفضوح

ولا الصمت القبيل .. مفتوح

ولا الفرح البِتِم القول

صدى الغنوات ... يرقِّص حول

ولا وجّت رياض أطفال

ولا الموّال

مركّب بى نسيج الجيـّة

بى أنغام طبول شدوك

عشان أضحى الفرح مسحور

وإيقاع الرقيص .. مكسور

******

نسيب البلد ... ينجَمْ

نطوى الشوق منام

نتوسد الأحلام

على هبـّة نسيم باكر

لأننا نحن متواعدين

ومن جوّة الضجيج طالعين

بصوت واحد

لأننا نحن متواعدين

على لقيا وبياض خاطر

وزى ما يكون

لؤي شمس العلا ابراهيم

لؤي شمس العلا ابراهيم: المشرف العام; عدد المساهمات : 151
تاريخ التسجيل : 09/08/2010
العمر : 42
الموقع : https://altuooralmohagra.gid3an.com/profile.forum?mode=editprofile

مساهمة رقم 8

ادفقي

مُساهمة لؤي شمس العلا ابراهيم الأربعاء أغسطس 11, 2010 6:13 pm

إدفّـقـي

قاسم أبو زيد

إدفقى ما تبقى رقراق

أبقى يا ضُل .. يا شموس

غطى المساحات بالوضوح

إستنهضى الشوق .. الجروس

وهجك شوارع ذاتى

فى ليل اليباب

ما تشفقى العطش .. الرحيل

النيل ركيزة

ودمعة الأحباب سِحاب

ما تخافى من دم الغروب

لو رتّش الّلوحة الضباب

مادام ضمير الفينا .. حى

مادام عِريق العِشق .. حى

ملحوقة يا مدن السراب

نديانة بى فرح التساب

********

أدفقى فيضان عمار

أتربعى .. وفجّى الوجع

دمع الألم .. ما يدفّقك

ما خاب غناك

فارسك رجع

إتوهجى وإنتى الشمس

إتلهجى نورك سطع

نوّر بوادينا الكساح

رقصت مزامير الصباح

مبكية قرية وقنبلة

متكية دمعة .. وسنبلة

الليلة فى إيدنا السلاح

ريشة وكدنكة .. ومطرقة

نبنيكى أحسن يا ظروف

مخضرة .. دانية القطوف

نطوى المسافات .. نسبقا

********

أدّفقى بلدك فِداك

إتوهطى

ورّى البنيات العديل

محمية بى عرق الترابلة

ونغمتك مسقية بى الريد العتيق

أنغام رباباتك تشيل

معزوفة الليل .. والرفيق

ما تصغرى

تكبر أمانى السنبلة

هَىْ أكبرى

تصغر معانى القنبلة

ما ترجعى الصد لى المداين .. والقرى

شيلى الشحوب والإصفرار

أدى البويتات منظرا

إدفقى فى كل شارع .. وكل بيت

فى روابينا المحنّة

وفى ضمايرنا السهول

إدفقى

فى كل حتة .. وكل زول

أبقى .. شان تحيا الفصول

لؤي شمس العلا ابراهيم

لؤي شمس العلا ابراهيم: المشرف العام; عدد المساهمات : 151
تاريخ التسجيل : 09/08/2010
العمر : 42
الموقع : https://altuooralmohagra.gid3an.com/profile.forum?mode=editprofile

مساهمة رقم 9

ألقاك وين

مُساهمة لؤي شمس العلا ابراهيم الأربعاء أغسطس 11, 2010 6:16 pm

ألقاك وين

قاسم أبو زيد

ألقاك وين .. كان الفرح قفل مسامات الضياع

غناك مزمار الزمن إرشيف عشق .. وتر التراخى موشحات

من غبت.. ما شرقت شمس والدهشة ساساق الدروب .. لاوين تمش

نار العشق لو تنهبش .. توقد سنون .. المتعبين

تعقد زفاف آخر ضمير .. أتباع مغتغت بالقرش

ألقاك وين .. كان التعب ما خت أيدو على حبين تربال ..

يخم رمل الشقا .. المليان غلب .. دقشت قوافلو مع السراب ..

رابط جليد ..الهم سعن .. محزوم خشيمو من الصبر..

راحى السحاب .. نلقاك وين ..أنا وإنت و النيلو الأرض

و البور مشتت متنسى .. نجامة التعب الكعب ..

ما كان عول .. ريدى الصبح صفصاف هدير

البر .. أيامى توب شحاد .. هذاه خم و خم .. أنا ما لقيتك ليه..

طعم الفراق دم دم .. ختيتى فوقى الليل .. والليل سقانى السم

أنا خاطرى فى المطرة .. ريحة الدعاش تنشم

والقاك وين .

لؤي شمس العلا ابراهيم

لؤي شمس العلا ابراهيم: المشرف العام; عدد المساهمات : 151
تاريخ التسجيل : 09/08/2010
العمر : 42
الموقع : https://altuooralmohagra.gid3an.com/profile.forum?mode=editprofile

مساهمة رقم 10

نشوة ريد

مُساهمة لؤي شمس العلا ابراهيم الأربعاء أغسطس 11, 2010 6:35 pm

نشوة ريد

قاسم أبو زيد

نشوة ريد .. إحساس إكليل

وردة وصلك .. جنـّة أصلك
نجم الليل الوصل جميل
**********
نحنّ مشينا الخطوة الأولى
وإنتى معاى مشوارنا بيقصر
بكرة بنحكى الشوق للذكرى
نار الريد الغابت .. تظهر
*********
الأطفال يافاطنة بغنوا
الأفراح لابد من ترجع
الأحلام الدونك فاتت
لو واصلنا صباحا بيطلع

مواضيع مماثلة

» مكتبة المتألق دوما الشاعر (( أزهري محمد علي))
» مكتبة الشاعر الرائع عاطف خيري
» مكتبة شاعر الصمود (( محجوب شريف))
» مكتبة المبدع دوما ((محمد طه القدال))
» مكتبة أشعار د/ أزهري الحاج شرشاب

منتدى جمعية الطيور المهاجرة

منتدى جمعية الطيور المهاجرة

منتدى جمعية الطيور المهاجرة

مكتبة الأستاذ ((قاسم أبوزيد))

مكتبة الأستاذ ((قاسم أبوزيد))

ليه غبتي يا القمره

لوحة الوطن

عباد الشمس

علميني الاحتمال

ضليت

زي مايكون

ادفقي

ألقاك وين

نشوة ريد

مواضيع مماثلة

مواضيع مماثلة